收費 · 明碼實價

價錢寫喺度,
唔會上到嚟先講。

所有「起」字都係因為現場情況唔同(呎數、牆身、走線長度)。但報價前一定講清楚,你同意先開工。

先報價 後施工 即日施工 檢查費扣減 完成後 付款 30 日 施工保養
01

報價前唔動手

檢查完會講清楚做咩、幾錢、幾耐、材料幾多。你同意先開工。

02

材料另計會講明

線材、面板、線槽、支架,逐項報。唔會做完才話你知「呢樣另計」。

03

做完先收錢

驗收達標才收。現金、FPS 轉數快、PayMe。唔收信用卡。

04

唔硬銷器材

你可以自己買機,我地只收安裝費。代購唔收手續費,單據照畀你。

01價目表

全部收費

「起」代表最低消費,實際會因呎數、牆身、走線長度、施工時間而調整。所有調整會事先講。

A · 上門檢查

檢查費係入場費,唔係報價。睇完先講做法同價錢。

即日施工扣減 檢查完即場落單施工,$200 直接喺工程費扣返。 檢查費全數扣減

B · 診斷與設定

問題唔一定要買新機,好多時係設定同擺位。

WiFi 全面診斷+優化 頻道調整、Router 擺位建議、DHCP/DNS 設定修正、舊裝置清理。 $480 起
Router 更換/設定/搬位 客人自備 Router。含基本設定、SSID 分頻、更新韌體。 $300 起
全屋 WiFi 規劃報告 裝修前/新居入伙。含平面擺位圖、器材清單、拉線點建議。 $800 起

C · 免拉線方案

最常見嘅家居 WiFi 需求:唔想鑽牆、唔想鑿線槽。

Mesh 安裝(客人自備器材) 兩部起。適合已經買咗機但唔識設定、或者設定完都收得差。 $380 起/每部

D · 拉線工程

有啲情況拉一條線,勝過買三部 Mesh。我地會照直講。

明線(每個網絡點) 含 Cat6 線材、線槽、面板。每米長度另議。 $280 起
暗線/入牆工程 要睇牆身結構、有無喉管。唔設網上報價,避免報錯。 現場報價

E · 特殊單位

村屋、多層、商用、離島,一律先問清楚再報。

村屋/多層/小型商用 按層數、面積、是否需跨層拉線、是否需戶外防水接駁。 另議
收工時間/星期日及公眾假期 19:00 後、星期日、公眾假期。照樣可以約。 +$100 起

02規則

咩情況會加,咩情況會減

唔想有驚喜,所以寫出嚟。

加會加錢嘅情況

  • 單位超過 700 呎、多層、多房,檢測時間倍增。
  • 暗線/入牆、需要鑿牆或穿結構牆。
  • 走線距離長(例如村屋跨層、外牆)。
  • 19:00 後、星期日、公眾假期(+$100 起)。
  • 離島、偏遠村屋(車馬費,事先報)。
  • 需要即日加急(視乎檔期)。

減會扣減嘅情況

  • 檢查後即日施工:$200 檢查費全數扣減。
  • 一次過做多個網絡點:每點價格可議。
  • 客人自備器材:只收安裝費,唔收代購。
  • 同一大廈/同一屋苑多個單位:可安排同日,免重複車程。
  • 只做設定、唔使施工:按實際時間計,通常低於最低消費。

03例子

三個真實收費例子

以下係已完成個案嘅實際收費,用嚟令你心裏有個數。

觀塘 · 公屋 380 呎 $480

只做設定,冇買任何器材

Router 放喺電視櫃後面、2.4G/5G 同一個 SSID、channel 撞鄰居。搬位+改設定,冇施工、冇買機。

$200檢查
$280設定優化
46→310Mbps
荃灣 · 私樓 620 呎 $1,160

免拉線 Mesh,客人自備 2 部機

客人自己買咗 Mesh 但唔識設定,節點擺錯位。重新擺位 + 有線回程(客廳短明線)+ 全屋驗收。

$200檢查
$960安裝+短線
全屋−65dBm 內

04問題

收費相關問題

$200 檢查費包啲咩?

包上門、30–45 分鐘檢測、即場口頭解釋結果。檢測包括:各房間 WiFi 訊號強度、上下載速度、ping 同 jitter、附近同頻網絡干擾掃描、Router 基本設定檢查。唔包施工、唔包材料。如果想我地出一頁書面報告,可以加 $200。

檢查完一定要幫襯你地施工嗎?

唔需要。檢查費就係檢查費,你可以攞住個結果自己搞、去買機、或者搵第二間。我地唔會扣起資料,亦唔會逼你即刻決定。講真,有啲個案我地會直接同你講「你唔使俾錢,搬個 router 就得」。

會唔會上到嚟先加價?

唔會。檢查完我地會講清楚:做咩、幾錢、做幾耐、材料另計幾多。你同意先開工。施工中途如果發現新問題(例如牆內喉管塞咗),我地會停手再同你講,唔會自己做決定。

唔想估,直接問

講低地區、呎數、幾間房、咩問題,我地會畀你一個範圍。問價唔收費。

檢查費 $200 起 · 明碼實價 · 收工時間可約