服務條款

1. 報價

• 網站價錢係參考起價，實際收費以現場檢查後嘅報價為準。
• 報價有效期 14 日。
• 報價會列明：施工內容、材料、價錢、預計時間。你同意後才開工。
• 施工期間如發現報價以外嘅問題（例如牆內喉管塞咗、線路氧化），我地會停工並重新報價，唔會自行加做。

2. 檢查費

上門檢查 $200 起，於檢查當日收取。如即日決定施工，檢查費全數扣減。檢查費不包括施工、材料及書面報告。

3. 付款

施工完成並驗收後付款。接受現金、FPS 轉數快、PayMe。不收取信用卡。所有費用不包括任何第三方平台手續費。

4. 改期及取消

• 請於預約時間 24 小時前通知改期或取消。
• 24 小時內取消，或師傅已到達而無人應門，可能收取 $200 車馬費。
• 如因天氣、大廈管理處拒絕進入等不可控因素，雙方均可免費改期。

5. 保養

• 施工及設定提供 30 日保養：同一問題再出現，免費上門跟進一次。
• 器材保養由代理商提供，我地可協助交收，但收取車馬費。
• 以下情況不在保養範圍：你自行更改設定或 reset、自行加裝器材、外力損壞、大廈線路或寬頻商故障、搬遷後嘅環境改變。

6. 責任範圍

• WiFi 實際速度及覆蓋受多項因素影響（牆身、鄰居干擾、寬頻商、裝置本身）。我地不保證達到特定速度或覆蓋數值，只保證如實量度及判斷。
• 施工前會確認牆內有無電線、水管。如你已知牆內有隱藏線路，請事先告知。
• 我地會盡量避免損壞裝修，但鑽孔、走線屬必要工序，事前會同你確認位置。已同意位置嘅正常施工損耗，我地不負責修補（除非另行報價）。
• 我地不負責你既有器材嘅資料遺失。施工前請自行備份重要設定。
• 如屬大廈公共設施、寬頻商線路或管理處責任，我地會協助判斷及提供紀錄，但不代為維修。

7. 客戶責任

• 提供正確地址、聯絡方法及進入單位嘅安排。
• 施工期間讓成年人留在單位，或事先安排授權人。
• 提供 WiFi 密碼及寬頻資料（如適用）。
• 如單位有租約限制（不准鑽牆、不准改動），請事先告知，我地會改用免破壞方案。

8. 知識產權

網站內容、Logo、圖片及文案屬 HomeWiFi HK 所有。未經同意不得轉載作商業用途。

9. 適用法律

本條款受香港特別行政區法律管轄。如有爭議，雙方先本著善意協商。

10. 聯絡

WhatsApp：+852 5905 6971